Taller de cociña “Reinventando os clásicos”
O pasado sábado, 13 de xaneiro, ás 17.00 h tivo lugar no Asubío un taller de cociña que denominamos: Reinventando os clásicos, nel cociñamos unha tortilla vegana, sen ovo, a base de fariña de garavanzos e con verduras, unha boloñesa con soia texturizada e algas e unhas creps de trigo sarraceno recheas de crema de cacao e abelás.
Para comezar, como a tarde estaba fría, tomamos unha infusión de xenxibre con limón, logo de aprender un pouco sobre nutrición e saúde de maneira teórica, puxémonos mans á obra ca elaboración do noso menú e, ao fin, degustamos os ricos pratos.
Parece que a tortilla non tivo moito éxito, decían que coma unha tortilla feita con ovos de casa ou ecolóxicos non había, anque tampouco disgustou… O prato estrela foi, sen dúbida, a pasta con salsa boloñesa feita con soia texturizada que lle encantou a todo o mundo. Tampouco estiveron mal as creps con crema de cacao e abelás, anque parece que a xente é bastante “dulceira” e non estaban dóces de máis.
No taller participaron 13 persoas con gañas de aprender e pasar unha tarde amena e desfrutaron cas receitas, coñeceron ingredientes novos como a cúrcuma, as algas ou a soia texturizada e dixeron que iban a facer algúns dos pratos. E déronnos ideas para próximos talleres.
Para a xente que non tivo a oportunidade de vir, deixámosvos as receitas para que probedes nas vosas casas.
Se queredes participar nalgún dos nosos talleres estade atentos/as, que xa estamos organizando o do mes de febreiro.
.
TORTILLA VEGANA
INGREDIENTES (2 PERSOAS)
1 culleradiña de sementes de liño + 3 culleradas de auga
8 culleradas de fariña de garavanzos + 8 culleradas auga
½ culleradiña de cúrcuma
Sal e pementa ao gusto
½ pemento verde
1 allo
¼ cebola
Aceite de Oliva Virxe Extra (AOVE)
Sal kala Namak (opcional)
PREPARACIÓN:
Bota as sementes de lino, a fariña de garavanzos e a auga e bater no batedor ata que estean ben integrados
Engadir sal e pementa ó gusto e volver a bater
Botar un chorro de AOVE e dourar a verdura troceada (allo, cebola, pemento)
Engadir a mestura batida á sartén e cociñar a fogo medio uns 7 minutos por cada lado ata que estea dourada
Servir a tortilla nun prato e botar sal kala Namak se se lle quere dar un sabor máis a ovo
BOLOÑESA CON SOIA TEXTURIZADA
INGREDIENTAS (2 PERSOAS)
50 g de soia texturizada fina (2 puñados)
Verduras ao gusto
½ cebola
2 dentes de allo
1 bote de salsa de tomate
Especias ó gusto (comino, perexil, tomiño, ourego, pementa, pementón…)
Unha cullerada de algas deshidratadas
AOVE
Sal mariña
PREPARACIÓN:
Nunha sartén pomos a refogar no aceite o allo, a cebola e as verduras, refogamos uns 5 minutos a fogo medio.
Salamos, especiamos e engadimos a soia texturizada
Engadimos a salsa de tomate e cociñamos uns 10 minutos a fogo lento
CREPS CON CREMA DE CACAO E ABELÁS
PARA AS CREPS (7 – 8 creps)
150 g de fariña
250 ml de bebida vexetal ou auga
15 ml aceite de oliva
3 ovos ecolóxicos
1 pizca de sal
Mesturar todos os ingredientes ata facer unha masa
Deixar repousando unhas horas
Pincelar cunhas gotas de aceite unha sartén, cando estea quente botar un pouco de masa, cociñar e dar a volta
PARA A CREMA DE CACAO
75 ml de bebida vexetal
1 cullerada de cacao en po
100 g de abelás
50 ml de sirope de agave
1 aguacate
Trituramos as abelás hasta obter un po fino
Engadir o resto de ingredientes e volver a triturar hasta obter a textura dunha crema
